د پاکستان دفاع وزیر خواجه محمد اصف د دوشنبې په ورځ وویل چې هند پرې هره شیبه یرغل کولای شي.
خواجه اصف وايي، هېواد به یې یوازې هغه وخت اټومي وسلې وکاروي چې وجود ته یې مستقيم ګواښ پېښ شي.
د اسلام اباد او نوي ډیلي ترمنځ اړیکې په جمو او کشمیر کې د سیلانیانو پر یوې ډلې له مرګوني برید وروسته ترینګلې شوې دي.
په دغه برید کې ۲۶ کسان ووژل شول، چې د هند غوسه یې راوپاروله او د مسلمان اکثریت لرونکي پاکستان پر ضد یې د عمل غوښتنې زیاتې کړې.
هند تور لګوي چې پاکستان د کشمیر په لانجمنه سیمه کې د یاغیانو ملاتړ کوي.
خواجه اصف رويټرز ته په اسلاماباد کې په خپل دفتر کې په یوه ځانګړې مرکه کې وویل، « موږ خپل ځواکونه پیاوړي کړي دي ځکه دا وضعیت اوس حتمي ښکاري.
نو، په داسې حالت کې باید ځینې ستراتیژیک تصمیمونه ونیول شي، چې نیول شوي دي».
اصف وویل چې د هند له لوري توندې خبرې روانې دي او د پاکستان پوځ حکومت ته د هند د احتمالي برید په اړه معلومات ورکړي دي، خو نور جزییات یې ورنه کړل.
هغه زیاته کړه چې پاکستان بشپړ چمتووالی نیولی او هېواد به یې یوازې هغه وخت خپلې اټومي وسلې وکاروي «چې وجود ته یې مستقيم ګواښ پېښ شي.»
اړوندې لیکنې :
- د افغانستان په هکله د پاکستان دفاع وزیر او د تاجکستان سفیر خبرېاترې
- پاکستان وايي د پکتیکا په بریدونو کې د ماشومانو د وژل کېدو رپوټونه بې بنسټه دي
- په پاکستان کې د ترهګریزو بریدونو زیاتوالی؛ په ۲۰۲۳ کال کې نږدې زر تنه وژل شوي
- ملا یعقوب او د قطر د دفاع وزیر د «دوه اړخیزو اړیکو» په هکله وغږېدل
- طالبان وايي له روسیې سره یې ډیپلوماټیکې اړیکې د پراخېدو په حال کې دي
- طالبان وايي، د سالنګ لویه لار به تر دوو اونیو پرانیستل شي