د ټرمپ د تعرفو اصلي طراح څوک دی؟

د متحده‌ایالاتو ولسمشر ډونالډ ټرمپ په دویمه دوره کې د سوداګرۍ وزیر هاوارډ لوټنیک ته د «امریکا د سوداګرۍ ستراتیژیو اصلي معمار» لقب ورکړ.
لوټنیک د ټرمپ په حکومت کې د وارداتي تعرفو د پراختیا او پلي کولو لپاره کلیدي رول لوبولی دی.
د نیویارک ټایمز د راپور له مخې، هغه د «ازادۍ ورځې تعرفې» په نوم نوې ستراتیژي معرفي کړه، چې پر ټولو وارداتو ۱۰ سلنه تعرفه او پر ۶۰ هېوادونو لوړې تعرفې لګوي.
دغه ستراتیژي په نړیواله کچه مالي بازارونه بې‌ثباته کړل او د وال‌سټریټ په ونډو بازار کې راټیټوالی رامنځته کړ.
هاوارډ لوټنیک د ټرمپ د حکومت په مشورتي شورا کې د خپل مقام له مخې د چین د ټېکنالوژیکي پرمختګونو پر وړاندې سخت دریځ نیولو ته ټینګار کړی و.
هغه د ټرمپ د سوداګرۍ ستراتیژیو د بریا لپاره د چین سره د سوداګرۍ په برخه کې د اضافي تعرفو وړاندیز کړی، چې د ټرمپ د تعرفو په پلي کولو کې یې مهمه ونډه درلوده.
د دې پالیسۍ موخه دا وه چې د امریکا اقتصادي امنیت ته وده ورکړي او د چین له تخنیکي ګواښونو سره مبارزه وکړي، حتی که دا تدابیر د اقتصادي رکود لامل شي.