د هند د دفاع وزیر راجنات سینګ په تازه څرګندونو کې ویلي، که پاکستان په خپله خاوره کې له ترهګرۍ سره مبارزه نه شي کولی، باید د هند څخه مرسته وغواړي.
سینګ په دهرادون کې د ملي امنیت او ترهګرۍ په اړه یو ډیالوګ کې وویل چې که څه هم هند او پاکستان په یو ورځ خپلواکي ترلاسه کړې، خو نن ورځ هند د ډیموکراسۍ مور په توګه پیژندل شوی او پاکستان د نړیوالې ترهګرۍ پلاربلل کیږي.
هغه پاکستان تورن کړی چې تل یې ترهګرو ته پناه ورکړې، روزنه یې ورکړې او هغوی ته مرسته کړې ده.
راجنات سینګ وویل چې پاکستان باید پر ترهګرۍ د نړیوالې ټولنې د فشار له لارې مسئول وګرځي او مالي مرستې یې بندې شي، ځکه چې پاکستان د ترهګرۍ روزنځای ګرځیدلی دی.
