په افغانستان کې د ملګرو ملتونو مرستندویه دفتر «یوناما» ویلي چې راتلونکې جمعه د دغه دفتر مشره روزا اوتنبایوا د ملګرو ملتونو امنیت شورا کې د افغانستان په تړاو وینا کوي.
یوناما چهارشنبه د غبرګولي پر ۳۰مه په یوې خپرې کړې خبرپاڼه کې لیکلی چې ټاکل شوې مېرمن اوتنبایوا جمعه د چنګاښ پر لومړۍ د ملګرو ملتونو امنیت شورا کې د افغانستان وضعیت په اړه خبرې وکړي.
د خبرپاڼې په حواله، دا ناسته د کابل پر وخت د ماښام ۶:۳۰ پېلېږي.
امنیت شورا داسې مهال دا ناسته جوړوي چې د افغانستان په اړه د دوحې درېیمې ناستې ته تیاری روان دی.
ټاکل شوې د دوحې درېیمه غونډه د چنګاښ پر ۱۰ او ۱۱مه د قطر په پلازمېنه دوحه کې جوړه شي.
د ملګرو ملتونو د سرمنشي مرستیال ویاند فرحان ویلي چې د دوحې په درېیمه غونډه کې له طالبانو سره د رسمي دولت په توګه چلند نه کوي.
