د افغانستان مقاومت جبهې ادعا کړې چې په تخار کې د دوی ځواکونو پر طالبانو برید کړی او د دغې ډلې یو جنګیالی یې وژلی دی.
یادې جبهې شنبه د تلې پر ۲۸مه د اېکسپاڼې له لارې په یوه خپاره کړي بیان کې ویلي چې دا برید په خواجه غار ولسوالۍ کې د طالبانو پر یوې پوستې شوی دی.
د بیان پر بنسټ، په دې برید کې درې طالب وسلهوال ټپیان شوي هم دي.
په بیان څرګنده شوې ده: «دغه برید د دښمن په هغه کاروان چې د طالبانو د عمري قول اردو د پنځمې لوا اړوند وو، ترسره شو او د طالبانو یو موټرسایکل هم له منځه تللی دی.»
د طالبانو سیمهییزو مسوولانو تر اوسه په دې هکله څه نه دي ویلی.
دا په داسې حال کې ده چې تېره ورځ هم د مقاومت جبهې په هرات کې د دوو طالب وسلهوالو د وژل کېدو ادعا کړې وه.
