د مرموزو وژنو زیاتوالی؛ په هرات کې د يوه سړي مړى موندل شوى

په هرات کې سیمه‌ییزې سرچینې وايي چې په دغه ولایت کې د یوه سړي مړی موندل شوی دی.

سرچينې جمعه د کب پر ١٨مه رسنی ته منلې چې د هرات د انجيل ولسوالۍ په «پل هاشمي» سيمه کې د يوه سړي مړى موندل شوى دى.

د سرچينې د معلوماتو له مخې، دغه سړى چې شاوخوا ٣٧ کاله عمر یې لرلو، پر ډزو وژل شوى دى.

تراوسه روښانه نه ده چې دغه کس د چا له لوري او ولې وژل شوی دی.

په هرات ولايت کې طالبانو هم تراوسه په دې هکله څه نه دي ويلي.

دا په داسې حال کې ده چې تېره ورځ د مزارشريف ښار په اتمې ناحيې کې هم د يوه سړي مړى موندل شوى و.