د طالبانو اصلاحي کمیټې د پاکستان یو بل منتقد نیولی

د طالبانو اصلاحي کمیټې په کابل کې رحیم سکندر نیولی دی، هغه له هغو څرګندونو وروسته چې د پاکستان په اړه یې د طالبانو د یوه مسوول د خبرو انتقاد کړی و.
سکندر د ټولنیزو رسنیو له لارې څرګنده کړې وه چې که د امیر امر ونه‌شي، څوک حق نه لري په خپله خوښه بهر جهاد ته لاړ شي، چې دا څرګندونې د طالبانو د اصلاحي کمیټې د کابل مسؤل سعیدالله سعید له نظره رد شوي دي.
رحیم سکندر دا مهال په کابل کې د تحریک طالبان پاکستان له بندیانو سره یو ځای زنداني دی.
هغه چې په تېر جمهوریت کې خبریال و او د طالبانو سره د همکارۍ په تور د ملي امنیت له لوري نیول شوی و، اوس په ټولنیزو رسنیو کې د ټي ټي پي او بلوڅ ازادۍ غوښتونکو ډلو ملاتړ کاوه. سکندر د خوست اوسېدونکی دی او له حقاني شبکې سره نژدې اړیکې لري.