د خوړو نړیوال پروګرام ویلي چې په افغانستان کې د خپلو خوراکي توکو مرستو او پروګرامونو د پلي کولو لپاره د راتلونکو شپږو میاشتو لپاره بېړنیو ۷۶۰ میلیون ډالرو ته اړتیا لري.
د خوړو نړیوال پروګرام یکشنبه د کب پر ۶مه په خپله ایکسپاڼه کې لیکلي چې په دغه هېواد کې څلور میلیونه ماشومان او مېندواره مېرمنې پر خوارځواکۍ اخته دي.
د دغه بنسټ په خبره، په افغانستان کې لږ تر لږه ۱۶ میلیونه کسان نه پوهېږي، راتلونکې خواړه له کومه کړي.
د خوړو نړیوال پروګرام څو وارې په افغانستان کې د خوراکي ناروین په اړه خبرداری ورکړی دی.
پر افغانستان د طالبانو له واکمنېدو او بیکارۍ له زیاتېدو وروسته، په دغه هېواد کې بشري حالت ناوړه شوی دی.
پرون سویلي کوریا له افغانستان سره څلور میلیون ډالره مرسته وکړه.
