په هرات کې سیمهییزو سرچینو د یو سړي د وژل کېدو خبر ورکړی دی.
وژل شوی کس عیدي محمد نومېده او ۵۰ کلن و.
عیدي محمد چهارشنبه د وري پر ۱۵مه له غرمې وروسته د هرات د کشک رباط سنګي ولسوالۍ په یکهتوت کلي کې په ډزو وژل شوی دی.
د دې پېښې لامل «شخصي دوښمني» بلل شوې ده.
په هرات کې طالبانو هم د دې پېښې پخلی کړی او ویلي دي چې په دې تړاو یې یو کس نیولی دی.
دا په داسې حال کې ده چې نن سهار د بادغیس د بالامرغاب ولسوالۍ په اړوند سیمه کې د یو ۴۶ کلن سړي مړی موندل شوی دی.
