د طالبانو د بهرنیو چارو وزارت «د افغانستان د سیمهییزې همکارۍ ابتکار» ناستې د پېلېدو خبر ورکړی دی.
د دغه وزارت د ویاند مرستیال ضیااحمد تکل دوشنبه د سلواغې پر ۹مه د دې ناستې د پېلېدو خبر ورکړی دی.
په دې ناسته کې د ګاونډیو او سیمهییزو هېوادونو ځانګړي استازي او سفیران برخه لري.
د دې ناستې موخه، د افغانستان او سیمې هېوادونو ترمنځ د سیمهییز روایت د جوړېدو او د سیمهییزو همکاریو د پراختیا په اړه خبرې اترې ښودل شوې ده.
دا په داسې حال کې ده چې د ایران د بهرنیو چارو وزارت د جنوبي اسیا برخې مشر سیدرسول موسوي تېره اوونۍ د دې ناستې د جوړېدو په اړه خبر ورکړی و.
له بلې خوا تمه کېږي چې په نږدې راتلونکې کې په دوحه کې د افغانستان لپاره د هېوادونو د ځانګړو استازو ناسته هم جوړه شي.
