+
د دې ایډیالوژۍ په خپرولو سره طالبان وتوانېدل چې په تېرو شلو کلونو کې د کلیوالو یو ستر لښکر خپلو لیکو ته جذب کړي او د پخواني حکومت پر ضد جګړه وکړي.
پداسې حال کې چې دې ایډیالوژۍ د طالبانو صفونه پیاوړی کړل او د جګړې په جریان کې د کلیوالو څخه استخدام شول ، نن ورځ دا د ډلې د حکومت په وړاندې اصلی خنډ ګرځیدلی.
دغه ایډیالوژۍ د دې لامل شوې چې دغه ډله نه د افغانانو په منځ کې مشروعیت ترلاسه کړي او نه هم له نړۍ سره رغنده اړیکه ولري.
نن ورځ د نړۍ هیڅ هیواد نه غواړی چې طالبان د خپلو ښځو ضد سیاستونو له امله په رسمیت وپیژنی.
په بل عبارت، هغه څه چې د جګړې پر مهال د طالبانو لپاره یو نعمت و، اوس د دوی تر ټولو لوی سرخوږی او ستونزه ګرځېدلې ده.
هغه ایډیالوژیکی ستونزې چې د طالبانو حکومت ورسره مخامخ دی، د دغې ډلې تر منځ د ایډیالوژیکی وېش لامل شوی دی.
نن ورځ ډیری مشران له دې ایډیالوژۍ سره
موافق نه دي او دا په خپله حکومتولۍ کې د انزوا او ناکامۍ اصلي لامل ګڼي.
د طالبانو تر منځ دا اختلافات داسې مهال دي، چې د طالبانو د پخواني مشر ملا عمر مرستیال او د دې ډلې د بهرنیو چارو پخواني وزیر مولوي متوکل په ملا هبیت الله نیوکه کړې او لیکلي یې دي، چې خدای هم په چارو کې مشوره کوي.
د طالبانو تر منځ ایډیالوژیکي واټن به له دغو دوو انتخابونو څخه یوه ته لاره هواره کړي:
د طالبانو په منځ کې د ایډیالوژیکی ویش شتون به د دې دوه انتخابونو څخه یو لامل شی.
۱- کودتا: دا به هغه وخت پېښ شي چې نړیواله ټولنه حقانيان وهڅوي چې کودتا وکړي او له حکومت څخه د کندهار د لیرې کولو غوښتنه وکړي.
٢۔ د طالبانو ډله او د هغوی ویش په دوو تندلارو (افراطی) او منځلارو ډلو ویشل او په دې اساس د جلا سازمانونو جوړول . خودا پههغه وخت پېښ شي چې نړیواله ټولنه و نه غواړي کندهاربیرته راجوړ کړي ملا هیبت الله باید دا وړتیا هم ولري چې کافي عسکر او سرتېری استخدام کړي چې په یو ډول د حقاني او د کندهار د ټیم تر منځ پوځی توازن رامنځته کړي.
داسې راپورونه هم شته چې ملاهبت الله هڅه کوي خپل پوځ جوړ کړي. په دې صورت کې به طالبان ووېشل شي او په دوو منځلارو او افراطي ډلو به ووېشل شي.
څرنګه چې طالبان ټاکنې او څو ګوندیتوب په رسمیت نه پیژنی، دا دوه ډلې به ونه توانیږی چې له یو بل سره په سوله ییزه توګه له سیاسی پلوه سیالی وکړي، او په پایله کې له یو بل سره جګړه به وکړي.
