د حزب اسلامي مشر ګلبدین حکمتیار ویلي، که د بدخشان د خاش ولسوالۍ د خونړیو پېښو عاملین ونیول شي، نو باید د شرعي احکامو له مخې محاکمه او سزا ورکړل شي.
حکمتیار تېره اوونۍ د پنجشنبې په ورځ چنګاښ ۱۲مه، هم ویلي و: «پر هر هغه مسلمان چې بېځایه وسله پورته کړې وي، او نه یې چا ته ظلم کړی وي، دا کار په مطلق ډول حرام دی.»
هغه ټینګار وکړ چې هغه کسان چې پر بېوسلو خلکو ډزې کوي او وژنې ترسره کوي، باید قصاص او مجازات شي.
په دغو پېښو کې لږ تر لږه ۶ کسان وژل شوي او ۱۵ نور ټپیان دي؛ دغه نښتې د کوکنارو د کروندو د ویجاړولو په اړه رامنځته شوې وې.
