د ملګرو ملتونو د بشري مرستو د همغږۍ دفتر (اوچا) له افغانستان سره د جاپان د ۶۰۰ زره ډالرو مرستې خبر ورکړی دی.
یاد بنسټ سېشنبه د وري پر ۱۴مه په خپله اېکسپاڼه کې له جاپان مننه کړې ده.
د اوچا په خبره، دا پیسې د ملګرو ملتونو د بشري مرستو صندوق ته ځانګړې شوې دي.
د وري پر ۷مه جرمني هم د افغانستان له خلکو سره ۱۵ میلیونه یورو مرسته وکړه.
دا مرستې په داسې حال کې کېږي چې په دې وروستیو کې د ملګرو ملتونو سرمنشي انتونیو ګوترېش ویلي و چې دغه سازمان توانېدلی څو په افغانستان کې بشري ناورین ته د رسېدنې لپاره د اړتیا وړ مرستو یوازې درې سلنه ترلاسه کړي.
