تسنیم خبري اژانس راپور ورکړی چې د طالبانو د ریاست الوزرا اقتصادي مرستیال عبدالغني برادر او بهرنیو چارو وزیر امیرخان متقي د سیدابراهیم رییسی او نورو ایراني چارواکو په جنازه کې د ګډون لپاره ایران ته ځي.
نوموړي خبري اژانس سهشنبه د غبرګولي پر لومړۍ په یو خپاره کړي راپور کې ویلي چې له دغو دوو طالب چارواکو سره یو پلاوی هم ایران ته سفر کوي.
طالبانو تر اوسه په دې اړه رسمي څه ویلي نه دی.
د یادونې ده چې د ایران ولسمشر ابراهيم رییسي، بهرنيو چارو وزير حسين اميرعبداللهيان او يو شمېر نور چارواکي د يکشنبې په ورځ د ايران په شمال لوېديځ کې د چورلکې لوېدو په پېښه کې مړه شول.
د راپورونو په حواله، دا چارواکي به را روانه پنجشنبه په مشهد کې خښ کړل شي.
پرون امیرخان متقي د افغانستان لپاره د ایران ځانګړي استازي او سفیر حسن کاظمي قمي سره په کتنه کې د سیمهییزو همکاریو پراختیا کې د دغه هېواد د ولسمشر او بهرنیو چارو وزیر رول ارزښتاک بللی و.
اړوندې لیکنې :
- طالبان: د دوحې په غونډه کې ګډون ګټور نه دی
- په کندهار کې چاودنه؛ د طالبانو د يو قوماندان په ګډون شپږ کسان ووژل شول
- طالبانو په کابل کې د یو پخواني جنرال په ګډون درې کسان نیولي
- په کابل پوهنتون کې د نجونو له ګډون پرته حضوري درسونه پیل شول
- ګوتېرېش: په افغانستان کې دې د ټولو قومونو په ګډون یو ټولګډونی دولت جوړ شي
- امریکا کې د یوې روزنیزې الوتکې سقوط؛ د افغان پوځ د یوه پخواني پیلوټ په ګډون درې تنه وژل شوي