نړۍوال بانک په خپل راپور کې د افغانستان اقتصادي وضعیت ته اندېښنه څرګنده کړې ده.
راپور کې ویل شوي چې د بهرنیو مرستو کمښت، د اقلیمي بدلون اغېزې، د کډوالو ستنېدل او د ګاونډیو هېوادونو سره د اړیکو خرابوالی د اقتصادي وضعیت د خرابېدو لامل شوي دي.
په ځانګړې توګه، وروستۍ زلزلې او د کډوالو زیاتوالی د وضعیت په خرابېدو کې رول لري.
سره له دې، د افغانیو ثبات او د طالبانو لخوا د مالیاتو راټولونه د ځینو مثبتو پرمختګونو په توګه یاد شوي دي.
نړۍوال بانک ټینګار کړی چې که څه هم افغانستان له ګڼو ستونزو سره مخ دی، بیا هم ځینې برخو کې لږ پرمختګونه مشاهده شوي دي.
