لوی څارنوال د اوکلاهوما ایالت، جېنټنر ډرامونډ، ویلي چې هغه افغانان چې په ۲۰۲۱ کال کې دغه ایالت ته راغلي، باید و ایستل شي.
نوموړي ادعا کړې چې د دې کډوالو ارزونه په سمه توګه نه ده شوې او ښايي د عامه خوندیتوب لپاره ګواښ پېښ کړي. هغه همداراز دا پرېکړه د مالیهورکوونکو د پیسو ضایع بللې ده.
خو د ایالت پخواني والي کوېن سټیټ او د کډوالو ملاتړو بنسټونو دا څرګندونې غندلي او ویلي چې یاد افغانان له امریکايي ځواکونو سره همکاران وو او د ژوند د خوندي کولو لپاره امریکا ته راغلي دي، نه د تاوتریخوالي د خپرولو لپاره. د هغوی په وینا، دغه ډول سیاسي څرګندونې یوازې کرکه او وېره زیاتوي.
