د امریکا د کورني امنیت وزارت اعلان کړی چې د افغانستانی کډوالو لپاره د «لنډمهالي خونديتوب» یا TPS پروګرام قانوني اعتبار د ۲۰۲۵ کال د جولای په ۲۲مه پای ته رسېدلی دی.
له دې نېټې وروسته هغه افغانستانیانو وګړي چې د دغه پروګرام له امتیازونو برخمن وو، نور قانوني حیثیت نه لري او باید له امریکا څخه د وتلو قانوني لاره غوره کړي.
چارواکو ویلي، هغه کسان چې له دې وروسته په غیرقانوني توګه پاتیږي، د نیولو، جبري شړلو او د امریکا ویزې د راتلونکي بندیز له خطر سره مخ دي.
د کورني امنیت وزارت همداراز ویلي، افغانستانی کډوال کولای شي له داوطلبانه وتلو برنامو څخه ګټه واخلي، څو له جدي قانوني عواقبو وژغورل شي.
د «CBP One» اپلیکېشن هم فعال شوی ترڅو مهاجر خپل د وتلو وخت ثبت کړي او د رضاکارانه وتلو اسانتیا ترلاسه کړي
