پاول ډي مېلر، د امریکا پخوانی لوړپوړی استخباراتي چارواکی او د پوهنتون استاد، وایي چې متحده ایالات نه یوازې د ترهګرۍ د مخنیوي په برخه کې ناکامه شول، بلکې د افغانستان لپاره باثباته نظام هم جوړ نه کړ.
هغه د خپلې راتلونکې کتاب «ماتې انتخاب او د امریکا-افغانستان د جګړې ۲۰ کلن داستان» په اړه د ډېپلوماټ مجلې سره په مرکه کې وویل چې د امریکایي ځواکونو اوږدمهاله حضور په افغانستان کې د ترهګرو له منځه وړل، د خوندي پناه ځایونو ختمول او د راتلونکو بریدونو مخنیوی هدفونه عملي نه شول.
مېلر زیاتوي چې د طالبانو له نسکورېدو وروسته، امریکا د عام نظم د بیا رغونې او د افغان پوځ د روزنې او سمبالولو مسؤلیت په سمه توګه نه دی ترسره کړی، چې دا ټولې ناکامۍ د امریکایي تګلارې د ماتې سبب شوې.
مېلر د بوروکراتیکو جوړښتونو او د پاکستان د دوهګوني تګلارې رول هم د امریکا په ناکامۍ کې مهم بولي. هغه وايي چې د دوحې تړون د افغانستان د جمهوري دولت د سقوط او د امریکایي ځواکونو د وتلو لامل شو، او بې له همغږۍ د دفاع وزارت او ملي امنیت شورا له مخې پر مخ وړل شوی و.
هغه په دې باور دی چې د نړۍوالو اړیکو د ریالېزم تیوري، چې ځان بېطرفه او واقعبین ښيي، د عدالت د پلي کېدو او سولې د هڅو خنډ ګرځېدلی دی. مېلر ټینګار کوي چې د ماتې اصلي مسوولیت د امریکا پر څلورو ولسمشرانو دی، خو د امریکایي ولس انتخابونه هم په دې ناکامۍ کې شریک بلل شوي دي.
