د افغان وګړو لپاره د امریکا موقتي محافظتي وضعیت سبا پای ته رسېږي

د امریکا له خوا افغان وګړو ته ورکړل شوی موقتي محافظتي وضعیت سبا، دوشنبه د چنګاښ پر ۲۳مه پای ته رسېږي.

دغه وضعیت هغو افغانانو ته موقتي قانوني استوګنه او د کار اجازه ورکوله چې د ۲۰۲۱ کال د اګست له تحول وروسته امریکا ته رسېدلي وو.

د دې پریکړې له مخې، هغه افغانان چې تر اوسه یې د پناه غوښتنې یا دايمي اقامت لپاره رسمي غوښتنلیک نه دی سپارلی، نور د قانوني کار یا سفر اجازه نه لري.

یاد اشخاص له جدي خطر سره مخ دي چې ښایي له امریکا څخه وایستل شي.