د اتریش په «ګراڅ» ښار کې د ښوونځي پر زدهکوونکو برید، او د لس تنو وژل کېدو وروسته د دغه هېواد لومړي وزیر دغه پېښه د هېواد په تاریخ کې «توره ورځ» بللې او درې ورځنی ملي ماتم یې اعلان کړی دی.
د اتریش پولیس تېره ورځسهشنبه، د جون ۱۰مه، خبر ورکړ، چې ۲۱ کلن بریدګر پخوانی زدهکوونکي د ښوونځي پر نورو زدهکوونکو ډزې وکړې.
«د بریدګر نوم اموکلاوف»، له ځان سره یې دوه وسلې درلودې او د نورو زدهکوونکو تر وژنې وروسته یې خپل ځان هم وژلی دی.
د اتریش لومړي وزیر «کریستیان ستوکر» دغه پېښه د هېواد په تاریخ کې «توره ورځ» بللې او له برید وروسته یې ګراڅ ښار ته په خپل سفر کې درې ورځنی ملي ماتم اعلان کړ.
برید د جرمني لومړي وزیر په ګډون یو شمېر نورو بهرنیو مشرانو او چارواکو له لوري غندل شوی او له قربانیانو سره خواخوږي ښودل شوې ده.
