هندي رسنیو راپور ورکړی چې ناپېژاندو کسانو په دغه هېواد کې د افغانستان، ازبکستان، افریقا او د منځنۍ اسیا د یو شمېر هېوادونو پر زدهکړیالانو د چړو او ډبرو ګوزارونه کړي دي.
د انډین اېکپرېس ورځپاڼې د راپور پر بنسټ، دا برید شنبه د کب پر ۲۶مه د ګوجرات پوهنتون د خوبخونې په سیمه کې پر بهرنیو زدهکړیالانو د تراویح لمونځ کولو پرمهال شوی دی.
د دې برید په پایله کې لږترلږه پنځه زدهکړیالان ټپیان شوي دي.
د برید ویډیوګانې په ټولنیزو رسنیو کې هم خپره شوې دي.
د افغان زدهکړیالانو په وینا، بریدکوونکو شعارونه ورکول او ویې پوښتل چې چا ورته په خوبخونه کې اجازه ورکړې څو لمونځ وکړي.
بریدکوونکو د زدهکړیالانو پر خونو هم برید کړی او د هغوی «لېپټاپونو، ټیلفونونو او موټرسایکلونو» ته یې هم زیان اړولی دی.
یو شمېر هندي رسنیو بریدکوونکي «لنډغر» بللي دي.
د يادونې وړ ده چې اوسمهال د هند په بېلابېلو پوهنتونونو کې زرګونه افغان زدهکړیالان پر زدهکړو بوخت دي.
په افغانستان کې د طالبانو بیاځل واک ته رسېدو سره، ګڼ شمېر دغه زدهکړیالان د ویزو او سکالرشېپونو د تمدید له کبله یو بېبرخلیک وضعیت سره مخ دي.
اړوندې لیکنې :
- پاکستان کې پر یوه مسافر وړونکي بس برید لسګونو کسانو ته مرګ ژوبله اړولې
- طالبان: په بامیان کې پر بهرنیو سېلانیانو شوي برید کې د وژل شویو کسانو شمېر شپږو ته پورته شو
- مجاهد: داعش ډله په افغانستان کې د امریکا د حضور پرمهال رامنځته شوه
- طالبانو په کابل کې د یوه انلاین پوهنتون د زدهکړیالانو چارو مرستیال ونیوه
- ناپېژاندو وسلهوالو په فراه کې یو سړی په ډزو وواژه
- ناپېژاندو وسلهوالو په ننګرهار کې یوه ښځه وژلې