په غور کې ځايي سرچینې وايي چې په دغه ولایت کې د تېلو ټانکر د چاودنې له کبله یو کس مړ او یو بل ټپي شوی دی.
سرچینو ورځپاڼې ته منلې چې دا پېښه پنجشنبه د سلواغې پر ۱۹مه سهار مهال د غور په مرکز فیروزکوه کې شوې ده.
د تېلو ټانکړ هغه مهال چاودنه کړې چې دوه کسان یې پر «ویلډینګ کولو » بوخت و.
په غور کې ځايي طالبانو هم پېښه تایید کړې او ویلي دي چې د پېښې قربانیان د غور او پکتیا اوسېدونکي دي.
له دې وړاندې هم د هېواد په ځينو نورو ولایتونو کې د تېلو او ګازو ټانکرونو د چاودېدو له کبله خلکو ته ځاني او مالي زیانونه اوښتي دي.
وروستۍ پېښه چې د سالنګ په تونل کې رامنځته شوه د تېلو څو ټانکرونه وچاودېدل چې له کبله یې لږ تر لږه ۱۰۰ کسان مړه او نږدې ۲۰۰ نور ټپيان شول.
