په غزني کې ځايي سرچينې وايي چې د دغه ولايت په اجرستان ولسوالۍ کې د سختې سړې هوا له امله يو سړی مړ شوى دى.
سرچینې ورځپاڼې ته منلې چې دغه سړی د سېشنبې ورځ، سلواغې پر ۱۷مه د اجرستان ولسوالۍ په «کوتل خون» سیمه کې د ډېرې واورې ورېدو له امله مړ شوی دی.
د سرچينې د معلوماتو پر بنسټ، دغه سړي او دوو نورو غوښتل چې له يوه کلي څخه بل کلي ته د څارويو د اخيستو په موخه لاړ شي،؛ خو د لارې په اوږدو کې په واوره کې ایسار شوي دي.
سرچینه زیاتوي چې په دې پېښه کې دوه سړي ژغورل شوي.
طالبانو په رسمي ډول په دې اړه څه نه دي ویلي.
د يادونې وړ ده چې په غزني کې د تېرې يوې اوونۍ په اوږدو کې د واورې ورېدو له امله د دغه ولايت د يو شمېر ولسواليو لارې د تګراتګ پر مخ تړل شوې دي؛ خو تر اوسه بېرته نه دي پرانيستل شوي.
اړوندې لیکنې :
- په غزني کې د سړې هوا له کبله یو طالب مړ شوی دی
- په غزني کې یو ځوان ځان زندۍ کړی
- د طالبانو باج اخیستنه؛ په غزني ښار کې ریکشاچلوونکو اعتصاب کړی
- په غزني کې د دوو کورنیو ترمنځ شخړه کې یو کس ووژل شو
- سلطان محمود او شاهنامې؛ فردوسي ولې له غزني څخه تش لاس راستون شو؟
- واوره ورېدنه؛ د غزني د څلورو ولسواليو لارې تړل شوې دي