بدخشان: په بدخشان کې سیمهییزې سرچینو د یو زلمي د ځانوژنې خبر ورکړی دی.
سرچینې وايي چې دغه کس سهشنبه د غويي پر ۱۴مه د بدخشان شغنان ولسوالۍ پورې اړوند سیمه کې د «موږک دوا» خوړلې ده.
دا زلمی میرویس نومېده او ۲۰ کلن و.
سرچینې زیاتوي چې میرویس د تنګسیا او بېوزلۍ له کبله ځان وژلی دی.
تر اوسه په بدخشان کې ځايي طالبانو څه ویلي نه دی.
له دې وړاندې هم یو شمېر کسانو د بېوزلۍ، بېکارۍ او کورني تاوتریخوالي له کبله ځانوژنې کړې دي.
د یادونې ده چې بیګاه شپه هم د بلخ مرکز مزار شریف ښار په لسمه ناحیه کې یو زلمي ځان زندۍ کړی و.
