د امریکا پخواني ولسمشر او په راتلونکو ولسمشریزو ټاکنو کې د جمهوريپالو ګوند یو نوماند ډونالډ ټرمپ، له افغانستان څخه وتنه د دغه هېواد په تاریخ کې یوه «شرموونکې» شېبه بللې ده.
سکای نیوز شنبه د سلواغې پر ۲۱مه راپور ورکړی چې ټرامپ دا څرګندونې د امریکا په پنسلوانیا ایالت کې په یو پروګرام کې کړې دي.
نوموړي زیاته کړې چې افغانستان کې د ۸۵ میلیارد ډالرو په ارزښت تجهیزات او سلګونه امریکايي وګړي پرېښودل شوي دي.
نوموړي یادونه وکړه چې د خپل حکومت په وروستیو ۱۸ میاشتو کې هلته یو امریکايي سرتېری هم ونه وژل شو او نه په نښه شو؛ خو په ټاکنو کې د بایډن له بریالي کېدو وورسته، ۱۳ امریکايي سرتېري ووژل شول.
د نوموړي په خبره، اوسمهال افغانستان په نړۍ کې د امریکايي وسلو یو تر ټولو ستر پلورونکی دی.
ټرمپ له دې وړاندې هم د بایډن پر پالیسو نیوکې کړې او د بګرام پوځي اډې په پرېښودو او طالبانو ته د میلیاردونو ډالرو په ارزښت تجهیزاتو پر ورکړې یې توند غبرګون ښودلی دی.
سره له دې چې بایډن له افغانستان څخه د دغه هېواد له ناوریني وتلو ملاتړ کړی؛ خو د امریکا یو شمېر اوسنیو او پخوانیو چارواکو د امریکايي ولسمشر پر دې پرېکړې کلکې نیوکې کړې دي.
اړوندې لیکنې :
- ایا امریکا به وکولای شي د ټرمپ له خطرڅخه ځان وژغوري؟
- ټرمپ د امریکا او طالبانو د بادار غلام اړیکې افشا کړې
- په نړۍ کې د یخ تر ټولو لوی غر له خپله ځایه خوځېدلی دی
- ګوتېرېش: په افغانستان کې دې د ټولو قومونو په ګډون یو ټولګډونی دولت جوړ شي
- ډونلډ ټرمپ: 'ناقانونه' پناه غوښتونکي زموږ د هېواد په وینه کې 'زهر' ګرځي
- تاجکستان: له افغانستانه د مخدره توکو په قاچاق کې د کمښت نښې نه وینو