د افغانستان لپاره د اروپايي ټولنې ځانګړي استازي توماس نیکلاسن ویلي چې په دغه هېواد کې د سېلاب ځپلو وضعیت له نږدې څاري.
نیکلاسن دا پیغام شنبه د غويي پر ۲۲مه په خپله اېکسپاڼه کې لیکلی دي.
نوموړي زیاته کړې چې اروپايي ټولنه د بېړنیو مرستو استولو ته چمتو ده.
وروستیو سېلابونو د هېواد په بېلابېلو ولایتونو په ځانګړې ډول بغلان کې درانه ځاني او مالي زیانونه اړولي دي.
له دې وړاندې د خوړو نړیوال پروګرام ویلي و چې په بغلان کې وروستیو سېلابونو څه باندې ۳۰۰ کسان مړه کړي دي.
اخوا، د طالبانو تر کنټرول لاندې طبیعي پېښو ته د رسېدو په چارو کې د دولت وزارت ویلي چې په ځينو ولایتونو کې وروستیو سېلابونو ۸۵ کسان مړه او څه باندې ۱۰۰ کسان ټپيان کړي دي.
افغان سوداګر میرویس عزیزي ویلي چې په هېواد کې یې له سېلاب ځپلو سره ۵۰ میلیونه افغانۍ مرسته ځانګړې کړې ده.
