روایت
هر ګړې د کابل په وخت : ۶:۴۳ ب٫ظ
ننې نیټه : ۱۴-۱۲-۱۴۰۲
د نن د خبرونو شمیر : 5
تاریخ : ۱۴-۱۲-۱۴۰۲
ساعت : ۱۸:۴۳
: 5

طالبان: برېښنا شرکت د څلورو ګاونډیو هېوادونو ۶۲۷ میلیونه ډالره پور ورکړی دی

د طالبانو تر واک لاندې د افغانستان برېښنا شرکت ویلي چې پر دغه شرکت د څلورو ګاونډیو هېوادونو ۶۲۷ میلیونه ډالره پاتې پورونه یې ادا کړی دی.

دا خبره د دغه شرکت ویاند حکمت‌الله میوندي سه‌شنبه د سلواغې پر ۱۷مه په خپله ایکس‌پاڼه کې کړې ده.

د نوموړي په خبره، دا پورونه د ازبکستان، تاجکستان، ترکمنستان او ایران و او په بشپړه توګه یې تادیه کړي دي.

میوندي یادونه کړې چې دا پورونه پر پخواني حکومت پاتې و.

د یادونې وړ ده چې افغانستان د اړتیا وړ ډېره برېښنا له ایران، ازبکستان او ترکمنستان څخه واردوي.

د روان کال د جدي میاشتې په لومړیو کې برېښنا شرکت اعلان وکړ چې تر ۲۰۲۴ کال پورې د دغه شرکت او تاجکستان ترمنځ د برېښنا تړون غځول شوی دی.

د یادونې وړ ده چې د ژمي په راتګ بیا ډېری اوسېدونکي د برېښنا له پرچاوۍ سر ټکوي.

0 0 votes
امتیازدهی به مقاله
Subscribe
Notify of
0 نظرات
Inline Feedbacks
View all comments

وروستني مطالب

0
Would love your thoughts, please comment.x
()
x