د طالبانو تر کنټرول لاندې د مخابراتو او معلوماتي ټکنالوژۍ وزارت ویلي چې د بندو شویو سایټونو څخه د ډاډ ترلاسي لپاره یې په کابل کې د مخابراتي شرکتونو له انټرنټي سایټونو څارنه کړې ده.
د نوموړي وزارت ویاند عنایتالله الکوزي چهارشنبه د وري پر ۲۹مه په خپله اېکسپاڼه کې لیکلي چې په کابل کې یې د مخابراتي شرکتونو له انټرنټي سایټونو څخه د «بندو شویو غېراخلاقي انټرنټي سایټونو او ناقانونه اپلیکیشنونو» په موخه څار کړی دی.
نوموړي ویلي چې د ارزونې په پاېله کې ډاډ ترلاسه شوی چې د مخابراتي شرکتونو ټول غیراخلاقي سایټونه، پابجي او ټيکټاک اپلیکیشنونه فلټر او بند دي.
له دې وړاندې طالبانو د ټيکټاک او پابجي اپلیکیشنونو کارونه غیرشرعي بللې وه.
څه موده وړاندې د طالبانو د مخابراتو او معلوماتي ټکنالوژۍ وزارت په یوې ناسته کې د ټيکټاک او پابجي اپلیکیشنونو د بندولو لپاره ضربالاجل ټاکلی و.
اړوندې لیکنې :
- کرن ډیکر: د طالبانو دوو تحریم شویو چارواکو د افغانستان نیمایي نفوس له خپلو حقونو بې برخې کړی
- د طالبانو د مشر صوتي فایل؛ د جهاد په اړه د کابل او کندهار د طالبانو ترمنځ شخړه
- طالبانو د کابل ښار په ځینو برخو کې کور په کور پلټنه پیل کړې
- طالبانو په کابل کې دوه کسان په دُرو ووهل
- په کابل کې چاودنه؛ طالبانو د دوو کسانو د وژل کېدو خبر ورکړی
- طالبانو په کابل ښار کې لسګونه ښوونیز مرکزونه تړلي دي