په هرات کې ځايي طالب چارواکي وايي چې د وروستیو زلزلو له کبله د ۲۸۰ ښوونځيو ودانۍ زیانمنې شوې دي.
په هرات کې د طالبانو د پوهنې رییس رحمتالله جابر چهارشنبه د کب پر ۱۶مه ویلي چې دا ښوونځي په مرکز او ولسوالیو کې دي.
نوموړي زیاته کړې چې د ځينو ښوونځيو ودانۍ په بشپړ ډول ویجاړې شوې او د کارونې وړ نه دي.
هغه یادونه کړې چې دمګړۍ په دغه ولایت کې ۴۰۰ ښوونځي ودانۍ نه لري.
د یاد ریاست له خوا د وړاندې شویو شمېرو پر بنسټ، په دغه ولایت کې شاوخوا یو زر او ۴۰۰ ښوونځي شته چې له ډلې یې ۲۵۶ بیا خصوصي دي.
د یادونې وړ ده چې څو میاشتې وړاندې په هرات کې څو مرګونې زلزلې وشوې چې خلکو ته یې د سر زیان سربېره درانه مالي زیانونه هم واړول.
