په کندهار کې سیمهییزې سرچينې وايي چې په پاکستان کې د طالبانو د جهادي مدرسې يو مسوول د ناپېژاندو وسلهوالو له خوا وژل شوى دى.
ناپېژاندو وسلهوالو مولوي محمد عمرجان اخندزاده د پاکستان بلوچستان ایالت په پلازمېنه کوټه ښار کې جمعه د وري پر ۳۱مه وژلی دی.
په کندهار کې د طالبانو د جهادي مدرسې مسوول، مولوي عمرجان د طالبانو غایب مشر ملا هیبتالله ته د نږدې کسانو له ډلې و.
هغه د اختر رخصتۍ د تېرولو او د خپلې کورنۍ د ليدنې په موخه پاکستان ته تللی و.
طالبانو تر اوسه په دې هکله څه نه دي ویلي.
دا لومړی ځل دی چې د طالبانو مشر ته نږدې کس په پاکستان کې وژل کېږي.
د یادونې ده چې د طالبانو د یو شمېر مشرانو کورنۍ په پاکستان کې ژوند کوي.
