په کابل کې د جاپان سفارت ویلي چې هېواد یې افغان محصلانو ته د ماسټرۍ او دوکتورا په کچه تحصیلي بورسیې ورکوي.
په افغانستان کې د جاپان سفارت شنبه د غويي پر ۲۲مه په اېکسپاڼه کې لیکلي چې دا بورسیې په ۲۰۲۵ کال کې د دغه هېواد د ښوونې، فرهنګ او ټیکنالوژۍ وزارت له خوا ورکول کېږي.
نوموړي سفارت زیاته کړې چې دغو بورسیو ته د محصلانو د ټاکل کېدو بهیر به د اقاخان بنسټ په مرسته وشي.
یاد سفارت د دغو بورسیو د شمېر په اړه څه ویلي نه دي.
د ۱۴۰۱ کال په غويي میاشت کې سرچینو ورځپاڼې ته ویلي و چې د طالبانو د بهرنیو چارو وزارت سرپرست امیرخان متقي د چین پنځه تحصیلي بورسیې له دغې ډلې سره تړلو قوماندانو ته ځانګړې کړې دي.
