عبدالحکیم شرعی، وزیر عدلیه طالبان، در نشستی با مسوولان و کارمندان بخشهای تقنینی ۴۱ اداره این گروه گفته است که وظیفه آنها تحکیم شریعت اسلامی است نه قناعت دادن جهان. وزارت عدلیه طالبان می‌گوید روز دوشنبه، اول دلو، نشستی زیر عنوان «تسوید، تخریج و ساختار مسوده اسناد تقنینی» برای مسئولان و کارمندان بخشهای تقنینی ۴۱ اداره این گروه برگزار شد. وزیر عدلیه طالبان، از مسوولان طالبان خواست تسوید قوانین باید طبق دستور هبتالله آخندزاده باشد. عبدالحکیم شرعی از ادارات طالبان خواسته باید مسوده قوانین را طبق فرمان هبتالله آخندزاد تنظیم و برای طی مراحل به وزارت عدلیه بفرستند.
