منابع آگاه می‌گوید، یک شهروند چینی در یک حمله از داخل افغانستان به دره زربوزی تاجیکستان کشته و پنج تن دیگر مجروح شدند. منابع می‌افزایند، این حادثه، روز دوشنبه، ۲۸ عقرب، در ناحیه شمس‌الدین شاهین، در نزدیکی مرز افغانستان رخ داده است. به قول منابع، مهاجمان از مرز افغانستان عبور کرده و به این منطقه حمله کرده‌اند. منابع تصریح کردند که از میان مجروحان، چهار تن شهروند چینی و یک تن از ساکنان محلی است و همگی در بیمارستان بستری شده‌اند. شهروندان چینی که در این حمله کشته و زخمی شدند، در حال کار در یک معدن طلا بودند.
