یازدهمین «نشست امنیتی هرات» بامداد دوشنبه، ۶ قوس، در شهر دوشنبه، پایتخت تاجیکستان، از سوی مرکز مطالعات استراتژیک افغانستان در حال برگزاری است. این دور نشست زیر عنوان «بازخوانی افغانستان؛ راه‌کارهای متفاوت» تا دو روز ادامه خواهد داشت. در این نشست، افرادی از کشورهای مختلف، مخالفان طالبان از جمله احمد مسعود، رهبر جبهه مقاومت ملی افغانستان، امیر اسماعیل خان، رهبر جهادی و برخی از مقام‌های دیگر حکومت پیشین حضور دارند. نشست امنیتی هرات از سال ۲۰۱۲ آغاز شده و مسایل سیاسی و امنیتی مربوط به افغانستان را عمدتاً با تحلیلگران و سیاست‌مداران برجسته مورد بحث قرار داده و
