احمد مسعود: هېوادونه د خپلو ګټو پر بنسټ له طالبانو سره تعامل کوي

دسته: سیاسی, ویژه خبری
نویسنده: تحریریه روایت
۱۴۰۳/۰۶/۲۶
۱۱:۳۰ ق٫ظ
بازدید: 3

پایگاه خبری تحلیلی روایت : د افغانستان مقاومت جبهې مشر احمد مسعود وايي چې طالبان داخلي مشروعیت نه لري او له دغې ډلې سره د ځینو هېوادونو تعامل یوازې د «تکتیکي» ګټو پر بنسټ دی.مسعود دا څرګندونې یک‌شنبه د وږي پر ۲۵مه د «شهید اوونۍ» په مناسب یوې مجازي غونډې کې مطرح کړې دي.د هغه په خبره، نړیواله ټولنه د افغانانو پرېکړې ته په تمه ده.

د افغانستان مقاومت جبهې مشر احمد مسعود وايي چې طالبان داخلي مشروعیت نه لري او له دغې ډلې سره د ځینو هېوادونو تعامل یوازې د «تکتیکي» ګټو پر بنسټ دی.

مسعود دا څرګندونې یک‌شنبه د وږي پر ۲۵مه د «شهید اوونۍ» په مناسب یوې مجازي غونډې کې مطرح کړې دي.

د هغه په خبره، نړیواله ټولنه د افغانانو پرېکړې ته په تمه ده.

د مقاومت جبهې مشر په باور، د افغانستان د ازادۍ لپاره د خبرو لارې پرانیستلو او مبارزې پرته بله چاره نشته.

مسعود د اسلامي همکاریو سازمان غونډې ته په اشارې ویلي چې «خلک ان له طالبانو سره په عکس اخیستلو شرمېږي.»

په دې مجازي غونډه کې د طالبانو یو شمېر مخالفو سیاسي مشرانو هم حضور لرلو.

د افغانستان د بهرنیو چارو پخوانی وزیر صلاح‌الدین رباني ویلي چې نړۍ طالبان رسمیت پېژندنه شرم ګڼي.

پخوانی جهادي قومندان اسماعېل خان د طالبانو د غایب مشر ملا هبت‌الله اخندزاده فرمانونه د خلق دیموکراتیک ګوند د پخوانیو مشرانو حفیظ‌الله امین او نورمحمد ترکي فرمانونو ته ورته بللي دي.

له طالبانو سره د مخالفو ګوندونو سیاسي مشرانو په دې غونډه کې ټینګار کړی چې په هېواد کې د طالبانو د واکمنۍ د پای ته رسېدو لپاره همکارۍ او ملي یووالي ته اړتیا ده.

دا څرګندونې په داسې حال کې کېږي چې په تېرو درېيو کلونو کې د طالبانو مخالفانو او نړيوالې ټولنې په هېواد کې د خلکو د رايو پر بنسټ د یو ‌ټول‌ګډوني حکومت د جوړېدو لپاره پر خبرواترو ټينګار کړى دى.

طالبان ادعا کوي چې د دوی حکومت ټول‌ګډونی دی او په دې تړاو خبرو ته اړتیا نشته.

همچنین بخوانید: تناقض در سیاست‌های بین‌المللی: چگونه وجدان جهانی تفاوت میان درخواست انسانی و شعار سیاسی را درک نمی‌کند؟

له درېیو کلونو راهیسې هېڅ هېواد طالبان په رسمیت نه پېژني، خو په دې موده کې یو شمېر هېوادونو له دغې ډلې سره نسبي اقتصادي او سیاسي اړیکې ټینګې کړې دي.

نوشته های مرتبط :