منصور احمد خان، د پاکستان پخوانی سفیر په افغانستان کې وايي چې د کابل او اسلاماباد اړیکې د کلونو ترینګلتیا وروسته، د وروستیو شخړو له امله تر ټولو ټیټې کچې ته رسېدلې دي.
هغه په نېشن ورځپاڼه کې په یوه مقاله کې لیکلي چې د ډیورنډ کرښې پر اوږدو طالبانو او پاکستاني ځواکونو ترمنځ نښتو د دواړو هېوادونو ترمنځ باور سخت زیانمن کړی دی.
هغه وړاندیز کړی چې پاکستان دې یوه ګډه سیمهییزه تګلاره غوره کړي څو د افغانستان لپاره د تلپاتې ثبات زمینه برابره شي.
منصور احمد خان ټینګار کړی چې طالبان باید د پاکستان امنیتي اندېښنې ومني او له وسلهوالو ډلو سره اړیکې پرې کړي، او اسلاماباد باید سیاسي او اقتصادي همکاریو ته لومړیتوب ورکړي تر څو له منځه تللې بېباوري بیرته راژوندي شي.
