د امریکا د بهرنیو چارو وزارت ویاندې په ځانګړې مرکه کې له طالبانو وغوښتل چې ټول امریکایي وګړي چې په ناحقه نیول شوي دي، ژر تر ژره خوشې کړي.
نوموړې ټینګار وکړ چې د ترهګرۍ ضد مبارزه د واشنګټن له لومړیتوبونو څخه ده او طالبان باید خپلو ژمنو ته پابند پاتې شي.
دا څرګندونې په داسې حال کې کېږي چې ولسمشر ډونالډ ټرمپ د بګرام هوایي اډې د کارولو پر سر د خبرو افشا کړې وې، خو طالبانو د دغه غوښتنې مخالفت کړی او د اقتصادي او سیاسي اړیکو د پراخېدو غوښتنه کړې ده.
امریکا طالبان لا هم د «ترهګرې ډلې» په توګه ګڼي او واکمني یې په رسمیت نه پېژني.
