ګلبدین حکمتیار، مشر حزب اسلامي، د امریکا د ولسمشر د بګرام هوايي اډې د غوښتنې په غبرګون ویلي چې امریکا له ۲۰۰۱ تر ۲۰۲۱ کالونو طالبان ترهګر بلل، خو په ورته وخت کې یې د بګرام او نورو تجهیزاتو په ګډون ټول افغانستان ورسره وروسپاره.
حکمتیار ټینګار کړی چې امریکا بګرام د چین پر وړاندې د مقابلي لپاره نه، بلکې د افغانستان د بیا اشغال لپاره غواړي.
هغه د امریکا ولسمشر ته خبرداری ورکړی چې دغه پالیسي به د امریکا د زوال لامل شي او تاریخ به یې د فاتح په توګه ونه بښي.
حکمتیار همداراز ویلي چې افغانان به هېڅکله د هغو کسانو ملاتړ ونه کړي چې د دوښمن پر وړاندې تسلیم شي او د بګرام هوايي اډه به امریکا ته ونه سپارل شي.
