د پاکستان د پوځ مشر جنرال عاصم منیر د امریکا د مرکزي قومندانۍ (سینټکام) د نویو قوماندانانو د معرفۍ په مراسمو کې د ګډون لپاره امریکا ته روان شوی دی.
دا په دوو میاشتو کې دویم ځل دی چې منیر امریکا ته سفر کوي، چې دا چاره د دواړو هېوادونو ترمنځ اړیکو ته نوې مانا ورکوي.
د راپورونو له مخې، منیر به د امریکايي چارواکو سره د سیمې پر امنیت، اقتصادي همکاریو او د هند ـ پاکستان پر کړکېچ بحث وکړي.
کارپوهان وايي، د واشنګټن او اسلاماباد ترمنځ نږدېوالی ښيي چې امریکا یو ځل بیا غواړي د پاکستان د پوځ له لارې په سیمه کې خپل نفوذ وساتي.
