د برتانیې د دفاع وزارت دایمي منشي، ډیویډ ویلیامز، له خپلې دندې د استعفا پرېکړه کړې ده.
دا پرېکړه وروسته له هغې شوې، چې د دغه وزارت له خوا د نږدې ۱۹ زره افغان قراردادیانو، چې د «آرایپ» پروګرام له لارې برتانیې ته د انتقال غوښتونکي وو، شخصي او امنیتي معلومات په ناڅاپي ډول افشا شول.
د معلوماتو دا افشاګري نه یوازې د افغان همکارانو، بلکې د برتانوي ځانګړو ځواکونو، استخباراتي ادارو او نورو امنیتي پرسونل نومونه هم رانغاړل.
له دې وروسته، برتانیې د دغو افغانانو د خوندیتوب لپاره یو ځانګړی انتقالی بهیر فعال کړ. که څه هم دا یوه لویه امنیتي تېروتنه وه، خو مسوؤل شخص له دندې نه دی ګوښه شوی، چې له املهیې د برتانوي پارلمان غبرګونونه راپارولي دي.
