نن د جولای ۳۰مه، د انساني قاچاق د مخنیوي نړیواله ورځ ده، چې هر کال د ملګرو ملتونو او یو شمېر هېوادونو له خوا نمانځل کېږي.
دا ورځ د انسانانو د قاچاق د خطرونو په اړه د عامه پوهاوي د لوړولو لپاره ځانګړې شوې ده.
افغانستان له هغو هېوادونو دی چې خلکیې د جګړو، بېکارۍ او ناامنۍ له امله د قاچاق کوونکو ښکار کېږي، په ځانګړي ډول ښځې او ماشومان.
کارپوهان وایي، د انساني قاچاق د مخنیوي لپاره باید حکومت، نړیوالې ادارې او مدني ټولنه ګډ اقدام وکړي. همداراز، قربانیانو ته باید قانوني ملاتړ او خوندي فرصتونه برابر شي.
