د برېتانیا د پارلمان د استخباراتي او امنیتي چارو کمېټې اعلان کړی چې د هغو افغانستانی همکارانو د شخصي معلوماتو د افشا کېدو په تړاو به رسمي پلټنه پیل کړي، چې د ۲۰۲۲ کال په فبرورۍ میاشت کې د برېتانیا د دفاع وزارت له خوا د یوه تخنیکي تېروتنې له امله رسوا شوي وو.
ویل شوي چې دا لیست د شاوخوا ۱۸ زره افغانستانی غوښتونکو معلومات لري، چې د طالبانو له ګواښ سره مخ کېدلی شي.
د کمېټې مشر لارډ بیومېش ویلي، دوی به د استخباراتي ادارو رول وڅېړي، او له حکومته یې غوښتي چې هغه پټ اسناد خپاره کړي چې دا پرېکړه ورباندې ولاړه ده.
د راپورونو له مخې، نه یوازې د افغانستانی غوښتونکو معلومات افشا شوي، بلکې د شاوخوا ۱۰۰ برېتانوي پوځیانو او استخباراتي کارکوونکو نومونه هم رسوا شوي دي.
حکومت ویلي، متضررینو ته به غرامت ور نه کړي او له هر ډول قانوني دعوې سره به کلکه دفاع وکړي.
