د افغان اېواک بنسټ مشر، شان ون ډایور، وایي چې د زرګونو افغان متحدینو ژغورنه نور یوازې د احساساتي خبرو پر مټ نهشي تر سره کېدای، بلکې عاجل او عملي اقداماتو ته اړتیا ده.
هغه د امریکا له پخواني ولسمشر ډونالډ ټرمپ سره د همغږۍ په تړاو ویلي، دا وخت د عمل دی، ځکه چې ګڼ افغانان لا هم په اماراتو، قطر، پاکستان، ترکیه، البانیا او نورو هېوادونو کې له ناڅرګند برخلیک سره مخامخ دي.
دغه څرګندونې وروسته له هغه کېږي، چې راپورونه وايي یو شمېر افغانان ممکن طالبانو ته وسپارل شي. د بشري حقونو بنسټونه خبرداری ورکوي چې دا ډول کړنه به د هغوی ژوند له جدي خطر سره مخ کړي.
افغان اېواک ټینګار کوي چې دا افغانان، چې د امریکایي ځواکونو سره یې کار کړی، باید ژر تر ژره خوندي ځایونو ته ولېږدول شي، او نړیوالې ټولنې ته په کار ده چې له شعارونو تېر شي او مسوولانه عمل وکړي.
