د افغانستان د کورنیو چارو پخواني وزیر علي احمد جلالي ویلي، طالبان د خپلو سیاسي مخالفینو د بې اتفاقۍ او کمزورتیا له امله تر اوسه واکمن پاتې شوي دي.
نوموړي د روسیې لهخوا د طالبانو رسمیت پېژندنې ته په غبرګون کې وویل، خلک لا هم طالبان مشروع حکومت نه ګڼي او جلاوطنه مشران خپل باور او اعتبار له لاسه ورکړی دی.
جلالي د افغانستان انټرنشنل سره په مرکه کې زیاته کړه، چې د طالبانو پر ضد فعالې ډلې د تېر وخت د ناکامیو له امله نهشي کولی خلکو ته د بدیل باور ورکړي.
هغه وویل، قومي او سیمهییز اختلافونه د ملي یووالي خنډ شوي، او دا وضعیت طالبانو ته زمینه برابره کړې چې د مشروعیت له نشتون سره سره په واک کې پاتې شي.
