امریکا د خپلو افغانستانی متحدینو پر مخ هره دروازه تړي

د امریکا حکومت هغه پروګرام پای ته رسوي چې د افغانستانی متحدینو د لېږد همغږي لپاره د کانګرس له خوا منظور شوی و.

دغه پرېکړه، زرګونه هغه افغانان چې امریکا ته د تګ په تمه دي، له ناڅرګند برخلیک سره مخ کړي دي.

راپورونه وایي چې ګڼ افغانستانی پناه غوښتونکي له پاکستانه شړل شوي او د قطر السیلیه کمپ هم د تړل کېدو له ګواښ سره مخ دی.

د «افغان ایواک» بنسټ مشر خبرداری ورکړی چې دا افغانان، که بېرته افغانستان ته واستول شي، له مرګوني ګواښونو سره مخ دي.