د غزني ولایت په مرکز علي لالا سیمه کې «د حکیم سنايي» ښارګوټی دولتي تثبت شو.
دغه ښارګوټی چې ټولټال په ۱۲۹۳ جریبه ځمکه کې جوړ شوی، د ځانګړې محکمې د حکم له مخې دولتي تثبیت شو او د اشخاصو اسناد هم “مشکوک” بلل شوي دي.
د دغه ولایت په خبرپاڼه کې راغلي، چې د دغه ښارګوټي ځمکه به د دولتي ملکیت په توګه ثبت شي او د اصولو سره سم به متصرفو اشخاصو ته په اجاره ورکړل شي.
د ویلو ده، چې په افغانستان کې د طالبانو له بیا واکمنېدو راهیسې په هېواد کې سلګونه جریبه ځمکه او همداراز لسګونه ښارګوټي تر ارزونو وروسته دولتي تثبیت شوي او دغه بهیر همداراز دوام لري.
