د کندهار اوسېدونکي: طالبان ډېری وخت د یو وخت لمونځ دوه-دوه ځلې په خلکو کوي

د کندهار ولایت یو شمېر اوسېدونکي شکایت کوي چې طالبان په تفریحي سیمو کې د خلکو څخه د یو وخت لمونځ دوه ځلې کولو غوښتنه کوي.
د امربالمعروف محتسبان د ښار مشهورو ځایونو کې ګرځېږي او خلکو ته په زور وايي چې باید جماعت ته ولاړ شي. دغه کړنې د خلکو لپاره د ژوند او تفریح له ستونزو سره مخامخ کړي، ځکه چې ځوانان زیاتره وخت د خپلې فکري ارامتیا لپاره د خپلو ملګرو سره په دې ځایونو کې ناستې کوي، خو طالبان پر هغوی فشار راوړي.
په ورته وخت کې، د طالبانو دا اقدامات د شریعت په پلي کولو او ټولنې د اصلاح په موخه ګڼل کېږي، خو د ټولنیزو فعالانو په خبره، دغه سخت دریځي کړنې د خلکو د دیني احساساتو خلاف عمل کوي او هغوی د عبادت له لذته بې برخې کوي.
زیات شمېر کسان له دې کبله شکایت کوي چې د تفریح پر مهال هم په ټولنه کې د طالبانو سخت قوانینو څخه ځورېږي، کوم چې په ځینو مواردو کې د خلکو په ورځني ژوند کې مداخله کوي.