پاکستان او هند د شخړو له زیاتېدو سره افغان لارۍ چلوونکي زیانمن شوي دي

د پاکستان او هند ترمنځ د وروستیو شخړو له امله، افغان لارۍ چلوونکي له جدي ستونزو سره مخ شوي دي.
د افغانستان د سوداګرۍ خونې چارواکي وايي، هند افغان لاریو ته چې د واګه بندر له لارې تېرېږي، اجازه نه ورکوي، او پاکستان هم د ټرانزیټ تړون خلاف افغان موټرو ته د هند څخه وارد شوي توکي د تورخم او چمن له لارې تېرولو ته اجازه نه ورکوي.
د افغانستان د سوداګرۍ خونې مرستیال مشر خان جان الکوزي وویل، چې که څه هم پاکستان ۱۵۰ افغان لارۍ د هند له لورې بندو شوو توکو سره تېرولو ته اجازه ورکړې، خو هند دا لاریو ته د واګه بندر له لارې تېرېدو اجازه نه ورکوي.
نوموړي د دې اقداماتو له امله افغان سوداګر ته زیانونه رسېدلي او د حل لپاره یې له هند او پاکستان څخه د همکارۍ غوښتنه کړې ده.