امریکا: د هند او پاکستان تر منځ شخړه به ډیر ژر له کنټروله ووځي

د هند او پاکستان تر منځ د کړکېچ له زیاتېدو وروسته، د امریکا د بهرنیو چارو وزارت ویاندې ټامي بروس خبرداری ورکړ، چې د دواړو اټومي هېوادونو ترمنځ شخړه ممکن ډېر ژر له کنټروله ووځي.
ټامي بروس په خپل بیان کې وویل، چې د هند او پاکستان تر منځ روانه کړکېچونه ممکن د سیمه ایزو او نړیوالو امنیتي تهدیدونو لامل شي.
هغه د دواړو هېوادونو څخه غوښتنه وکړه چې له داسې اقداماتو چې وضعیت نوره هم تیزوي، ځان وساتي.
بروس په دې اړه ټینګار وکړ چې د ډیپلوماسۍ او خبرو اترو پر مټ د دغه کړکېچ د حل لپاره جدي کوښښونه باید وشي، تر څو د نړیوال امنیت لپاره خطرونه کم شي او د اټومي جګړې خطر راکم شي.