نصیر احمد فایق، چې د افغانستان د ملګرو ملتونو استازی دی، د طالبانو د پوهنې وزارت د ۹۰ زره بستونو د ختمولو پرېکړې په اړه اندېښنې څرګندوي.
هغه وايي چې د مسلکي کادرونو پر ځای د ملایانو ګومارل به افغانستان ته بېوزلۍ او جګړې راولي.
فایق په دې باور دی چې دغه ګام به د هېواد د عصري زدهکړو نظام ته زیان ورسوي او افغانستان به د بهرنیو مرستو ته تل اړتیا ولري.
فایق همدارنګه ټینګار کوي چې د طالبانو هدف د ځوانانو ذهنیت بدلول او د افراطي مذهبي افکارو خپرول دي.
هغه د طالبانو د دې اقداماتو په غبرګون کې ویلي چې د پوهنې وزارت کې د جهادي مدرسو پراخوالی اندېښمنوونکی دی.
د طالبانو ویاند، ذبیحالله مجاهد، د ادارو د تنقیص تایید کړی، خو یې ویلي چې دا یو طبیعي بهیر دی.
د افغان بشري حقونو مرکز هم خبرداری ورکړی چې د جهادي مدرسو زیاتوالی ممکن د ځوانانو پر افکارو منفي اغېزې ولري.
دا وضعیت په داسې حال کې پېښېږي چې د طالبانو د حکومت لاندې د ښځو لپاره د زدهکړو شرایط هم شدیداً محدود شوي دي.
